Archifau Blynyddol: 2013

Eisteddfod Dyfodol

Ateb

Cafodd Dyfodol wythnos lwyddiannus iawn yn yr Eisteddfod Genedlaethol yn Ninbych. Hoffem ddiolch i bawb wnaeth ymaelodi, ac yn enwedig i’r person dienw gyflwynodd rodd o £350 i’r mudiad.

Cafwyd cyfarfod adeiladol gyda’r Prif Weinidog,  Carwyn Jones, fydd yn sail i drafodaethau pellach cyn diwedd y flwyddyn, gobeithio.

Carwyn Jones yn cyfarfod a Bethan Jones Parry a Heini Gruffudd o Dyfodol.

Ddydd Mawrth roedd Pabell y Cymdeithasau yn llawn ar gyfer y cyfarfod cyhoeddus lle bu Emyr Lewis yn traddodi cyflwyno araith am Gynllunio a’r Gymraeg. Ei ddadl oedd bod rhaid gweld y Gymraeg ar wyneb y Bil Cynllunio arfaethedig os ydyn ni o ddifri am ddiogelu’r iaith.

Emyr Lewis yn annerch ym Mhabell y Cymdeithasau

Fe fydd  Cyfarfod Cyffredinol i aelodau yn yr hydref ac fe gyhoeddir manylion cyn hir

Cyfarfod a’r Prif Weinidog

Ateb

Cafodd Dyfodol gyfarfod buddiol iawn gyda’r Prif Weinidog, Carwyn Jones, ar faes yr Eisteddfod Genedlaethol ddydd Llun Awst y 5ed.

Gofynnodd Dyfodol i’r Prif Weinidog am gynnwys y Gymraeg ar glawr y Bil Cynllunio arfaethedig. Bu Carwyn Jones yn sgwrsio gyda Llywydd y mudiad, Bethan Jones Parry; y Cadeirydd, Heini Gruffudd a’r Ysgrifennydd, Simon Brooks.

Cyflwynodd y mudiad ddogfen i Carwyn Jones am y berthynas rhwng  cynaliadwyedd y Gymraeg a chynllunio.

Cynllunio a’r Gymraeg  

Mae cynaliadwyedd y Gymraeg yn rhan annatod o faes cynllunio. Oherwydd hyn mae angen datblygu fframwaith cadarn fydd yn gallu asesu effaith datblygiadau cynllunio ar y Gymraeg. Mae yna lawer o enghreifftiau o ddatblygiadau sydd wedi arwain at wanhau’r Gymraeg fel iaith gymdeithasol. Ac eto, ceir esiamplau o gynllunio sydd wedi cryfhau sefyllfa’r Gymraeg. Parhau i ddarllen →

Dyfodol yn yr Eisteddfod

Ateb

Mae cyfarfod cyhoeddus Dyfodol i’r Iaith yn cael ei gynnal ar faes yr Eisteddfod Genedlaethol yn Ninbych ar ddydd Mawrth 6ed o Awst ym Mhabell y Cymdeithasau 1 am 4pm.

Y cyfreithiwr Emyr Lewis, sy’n un o gyfarwyddwyr Dyfodol, sy’n traddodi araith ar “Gynllunio a’r Gymraeg”

Dywed Emyr Lewis bod rhaid cael sylfaen gref i ddiogelu’r iaith Gymraeg ar wyneb y Bil Cynllunio, sy’n debygol o gael ei gyflwyno gan Lywodraeth Cymru yn y sesiwn seneddol nesaf. Parhau i ddarllen →